విజయవాడ : నగరంలోని బందరు రోడ్డులో మంగళవారం ఉదయం భారీ అగ్ని ప్రమాదం చోటుచేసుకుంది. హోటల్ డి.వి.మనార్ను ఆనుకుని ఉన్న ఓ వస్త్ర దుకాణంలో మంటలు చెలరేగాయి. ఈ ప్రమాదంలో షాపు పూర్తిగా దగ్ధమైపోయింది. హోటల్లోకి మంటలు వ్యాపిస్తున్నాయి. ఘటనాస్థలికి చేరుకున్న మూడు అగ్నిమాపక శకటాలతో మంటలను అదుపులోకి తెచ్చేందుకు సిబ్బంది యత్నిస్తున్నారు. ప్రమాదానికి గల కారణాలు తెలియాల్సి ఉంది.
