గుంటూరు,మే15(జ‌నం సాక్షి ): బాపట్ల పట్టణంలోని శారదాపురి కాలనీలో డీఎస్పీ గంగాధరం, సీసీఎస్‌ డీఎస్పీ లక్ష్మీపతిల ఆధ్వర్యంలో మంగళవారం తెల్లవారు జామున కార్డన్‌ సెర్చ్‌ నిర్వహించారు. ఆకస్మిక తనిఖీల్లో భాగంగా అనుమానిత వ్యక్తులను పోలీసులు అదుపులోకి తీసుకుని విచారించారు. రిజిస్టేష్రన్‌ పత్రాలు లేని 18 వాహనాలను సీజ్‌ చేశారు. కొండలు అనే వ్యక్తి ఇంట్లో 300 గ్రాముల గంజాయిని స్వాధీనం చేసుకుని నిందితుడిని అదుపులోకి తీసుకున్నట్లు డీఎస్పీ గంగాధరం తెలిపారు. కార్యక్రమంలో బాపట్ల సబ్‌డివిజన్‌ పరిధిలో ఆరుగురు సీఐలు, 12 మంది ఎస్సైలు, 200 మంది పోలీస్‌ సిబ్బంది పాల్గొన్నారు.