బైక్‌ రేసర్లు హైదరాబాద్ యువకులు
గుర్తించిన బెజవాడ పోలీసులు
విజయవాడ,జూన్‌15(జ‌నం సాక్షి ): బైక్‌ రేసర్లను హైదరాబాద్‌కు చెందిన యువకులుగా పోలీసులు గుర్తించారు. అడ్వంచర్‌ క్లబ్‌లో మూడు నెలలకోసారి స్పోర్ట్స్‌ బైక్‌ల రేసింగ్‌లుకు చేస్తున్నట్లు పోలీసులు తెలిపారు. అడ్వంచర్‌ క్లబ్‌లో రేస్‌ ట్రాక్‌ను పోలీసులు గుర్తించారు. ఇటీవల బైక్‌ రేస్‌లో పాల్గొని తిరిగి వెళ్తూ ప్రమాదకర విన్యాసాలు చేశారు. విజయవాడలో బైక్‌ రైసర్లు రెచ్చిపోతున్నారు. అర్ధరాత్రి మితివిూరిన వేగంతో బైక్‌లు నడుపుతూ హడలెత్తిస్తున్నారు. కనకదుర్గమ్మ వారధి, కృష్ణలంక నేషనల్‌ హైవేపై బైక్‌ రేసింగ్‌లు ఎక్కువగా జరుగుతున్నాయి. అసలే ఇరుకురోడ్డు ఇలాంటి రోడ్లపై సాధారణ ప్రయాణమే కష్టం. అలాంటి చోట్ల రేసింగ్‌లంటే ఎంత ప్రమాదమో అర్థం చేసుకోవాలి.
