శ్రీశైలం,జూలై7(జ‌నం సాక్షి): శ్రీశైలం పోలీసులు శనివారం మావోయిస్టుల డంప్‌ను స్వాధీనపరుచుకున్నారు. గతంలో మావోయిస్టులు నల్లమల ఏరియాలోని మామిడిసెల నుంచి లింగలగట్టుకు వచ్ఛే అడవి మార్గం మధ్యలో డంప్‌ దాచి ఉందని సమాచారం పోలీసులకు అందడంతో ఆత్మకూరు డిఎస్పి ఆదేశాల మేరకు శ్రీశైలం సిఐ, రెండవ పట్టణ ఎస్సై ఓబులేసు తమ సిబ్బందితో.. శనివారం ఉదయం తనిఖీలు నిర్వహించారు. డంప్‌ ను స్వాధీన పరుచుకున్నారు. ఈ డంప్‌లో 1051 ఇంచ్‌ స్టీల్‌ పైపులు, 26 వైర్‌తో డిటోనేటర్లు, 300 ఖాళీ క్యాప్స్‌ , 7 గుండ్రని యంత్రాలు, కొడవళ్ల సెట్లు, 16 అంగుళాలు ఉన్న 2 ఎ/-లాస్టిక్‌ పైపులు, 1 ఇనుప డ్రమ్‌ దొరికాయి.