విజయవాడ,జూన్‌4(జ‌నం సాక్షి ): ఈ నెల 9, 10, 11 తేదీల్లో మచిలీపట్నం మంగినపుడి బీచ్‌ పెస్టివల్‌ విజయవంతం చేయాలని కలెక్టర్‌ లక్ష్మీకాంతం కోరారు. సోమవారం విలేకరుల సమావేశంలో కలెక్టర్‌ మాట్లాడుతూ.. బీచ్‌ పెస్టివల్‌ విజయవంతం చేయాలని 7వ తేదీన మచిలీపట్నంలో 2కె వాక్‌ నిర్వహిస్తున్నట్లు తెలిపారు. బీచ్‌ పెస్టివల్‌ లో భాగంగా హెలి టూర్‌ ఏర్పాటు చేశామన్నారు. బీచ్‌ వాలీబాల్‌, బీచ్‌ కబడి ఏర్పాటు చేశామన్నారు. గిన్నిస్‌ బుక్‌ రికార్డ్‌ కోసం 100 అడుగుల దోస తయారు చేయనున్నట్లు తెలిపారు. అతి పురాతన నగరం బందరు ను బీచ్‌ పెస్టివల్‌ తో కొత్త రూపులు దిద్దుకోబోతోందన్నారు. డిసెంబర్‌ నాటికి దేశంలో ఆదాయం అధికంగా ఉన్న జిల్లాలో కఅష్ణ జిల్లా మొదటి స్థానానికి వెళ్లబోతోందన్నారు. ప్రపంచ పరియవరణా దినోత్సవం నాటి నుండి మొదలు పెట్టి కార్తీక మాసం వరకు జిల్లాలో కోటి మొక్కలు నాటనున్నట్లు తెలిపారు.

—————–