కర్నూలు,మే14(జ‌నం సాక్షి):  జిల్లాలోని యాగంటి క్షేత్రం వద్ద భక్తులు, కొంతమంది దుకాణాదారుల మధ్య ఘర్షణ జరిగింది. కడప జిల్లాలకు చెందిన కొందరు భక్తులు యాగంటి క్షేత్రానికి వచ్చారు. వాహనాలను పార్కింగ్‌ చేసేందుకు వెళుతున్న భక్తులను వాచ్‌మెన్‌ అడ్డుకున్నాడు. ఇద్దరి మధ్య కాసేపు తీవ్ర వాగ్వాదం జరిగింది. ఈ క్రమంలోనే భక్తులు యాగంటి ఆలయం లోపలికి వెళ్లి స్వామివారిని దర్శించుకుని బయటకు వచ్చారు. ఆలయం నుంచి బయటకు వచ్చిన భక్తులతో వాచ్‌మెన్‌, స్థానిక దుకాణాదారులతో కలిసి మరోసారి వాగ్వాదానికి దిగాడు. క్రమ క్రమంగా ఒకరిపై ఒకరు దాడులు చేసుకున్నారు. గొడవ జరుగుతున్నసమయంలో ఓ వ్యక్తి సెల్‌ ఫోన్‌లో చిత్రీకరించి సోషల్‌ విూడియాలో పోస్టు చేయడంతో ఘటన వెలుగులోకి వచ్చింది.