కర్నూలు,మే7(జ‌నం సాక్షి): పగిడ్యాలలో సోమవారం రేషన్‌ దుకాణాలపై విజిలెన్సు ఎస్సై మహమ్మద్‌ ఆధ్వర్యంలో దాడులు చేపట్టారు. మూడో రేషన్‌ దుకాణాన్ని తనిఖీ చేయగా 10కేజీల బియ్యం తూకానికి 800 గ్రాములు తక్కువగా వేస్తున్నట్లు గుర్తించారు. ఆ డీలర్‌పై కేసు నమోదు చేసినట్లు విజిలెన్సు అధికారులు తెలిపారు. మిగిలిన దుకాణాలను తనిఖీ చేసేందుకు వెళ్లగా ముందుగానే సమాచారం తెలుసుకున్న డీలర్లు దుకాణాలను మూసివేశారు. కార్యక్రమంలో విజిలెన్సు సిబ్బంది ఖాజాహుస్సేన్‌, వెంకటేశ్వర్లు పాల్గొన్నారు.