మంత్రి జవహర్‌ మండిపాటు

అమరావతి,ఆగస్ట్‌13(జ‌నం సాక్షి): రాష్ట్రంలో వైకాపా ఎమ్మెల్యే రోజా శూర్పణక పాత్ర పోషిస్తున్నారని ఏపీ మంత్రి జవహర్‌ మండిపడ్డారు. సోమవారం విూడియాతో మాట్లాడుతూ రోజా నోటి దురుసు తగ్గించుకోవాలన్నారు. రోజా ఏ పార్టీలో ఉంటే ఆ పార్టీ కష్టాలు పాలవడం మాములేనని, ఉన్న పార్టీని నాశనం చెయ్యడం రోజాకి అలవాటేనని మంత్రి విమర్శించారు. జగన్‌ భార్య ఈడీ కేసులతో సీఎం చంద్రబాబుకి ఏంటి సంబంధమని ఆయన ప్రశ్నించారు. చంద్రబాబుపై రోజా చేసిన వ్యాఖ్యలకు క్షమాపణ చెప్పాలని జవహర్‌ డిమాండ్‌ చేశారు. రాష్ట్ర ప్రయోజనాలకోసమే కేంద్రం నుండి బయటకు వచ్చామని అన్నారు. కేసుల కోసం జగన్‌ బీజేపీతో కుమక్కయ్యారని ఆరోపించారు. నాణ్యమైన మద్యం అందించడానికి తగు చర్యలు తీసుకుంటున్నామని, జనసేన అధినేత పవన్‌ కళ్యాణ్‌ని పట్టించుకునే తీరిక తమకు లేదని, పవన్‌ అంటే గాలి.. గాలి మాటలను ప్రజలు నమ్మరన్నారు. తన కమ్యూనిటీలో పవన్‌ కంటే తానే గొప్ప నాయకున్నని జవహర్‌ వ్యాఖ్యానించారు.