కర్నూలు,మే22(జ‌నం సాక్షి ): రోడ్డుప్రమాదంలో ఇద్దరు టిడిపి నాయకులు గాయపడ్డారు. ఉయ్యాలవాడ మండలం నర్సిప్లలె గ్రామ టీడీపీ నాయకుడు విజయ్‌మోహన్‌రెడ్డి, ఆయన భార్య సావిత్రమ్మ రోడ్డు ప్రమాదంలో గాయపడ్డారు. వీరిని మెరుగైన చికిత్స కోసం కర్నూలులోని ఓ ప్రైవేటు ఆసుపత్రికి తరలించారు. ఈ విషయాన్ని తెలుసుకున్న మంత్రి అఖిలప్రియ ఆసుపత్రికి వెళ్లి వారి క్షేమ సమాచారాలను తెలుసుకొని మెరుగైన వైద్యాన్ని అందించాలని వైద్యులకు సూచించారు. ఈమె వెంట మార్కెట్‌యార్డ్‌ చైర్మన్‌ బీవీ రామిరెడ్డి, దొర్నిపాడు మాజీ ఎంపీపీ భూమా బ్రహ్మానందరెడ్డి ఉన్నారు.