కర్నూలు,ఆగస్ట్‌11(జ‌నం సాక్షి): రోడ్డు ప్రమాదంలో ఓ రైతు దుర్మరణం చెందాడు. గోస్పాడు మండలంలోని యాళ్లూరు గ్రామానికి చెందిన టీడీపీ నాయకుడు గంగుల విజయభాస్కర్‌రెడ్డి (55) రోడ్డు ప్రమాదంలో దుర్మరణం చెందారు. యాళ్లూరు గ్రామం నుంచి మిరపనార కోసం ప్రకాశం జిల్లా గిద్దలూరుకు వెళ్తుండగా దిగువ మెట్ట వద్ద కారును లారీ ఢీకొనడంతో అక్కడిక్కడే మృతి చెందారు. మృతుడికి భార్య, కొడుకు, కూతురు ఉన్నారు. ఆయన మృతి పట్ల మండల టీడీపీ నాయకులు సంతాపం ప్రకటించారు.