చిత్తూరు,సెప్టెంబర్‌8(జ‌నంసాక్షి): వరుస దాడులతో హడలెత్తించిన పోలీసులు ఆరుగురు ఎర్రచందనం స్మగ్లర్లను అరెస్టు చేసారు. వారి నుంచి ఒక ద్విచక్రవాహనం సహా పది ఎర్రచందనం దుంగలను స్వాధీనం చేసుకున్నారు. బాకరాపేట, ఎర్రావానిపాలెం, కె.వి.పల్లి పోలీస్‌స్టేషన్ల పరిధిలో గురువారం సాయంత్రం నుంచి శుక్రవారం ఉదయం వరకు జరిగిన వరుస దాడుల్లో ఆరుగురు ఎర్రచందనం స్మగ్లర్లను అరెస్టు చేసినట్లు మదనపల్లి డీఎస్పీ కె.చౌడేశ్వరి తెలిపారు. బాకరాపేట పోలీస్‌స్టేషన్‌ పరిధిలో గురువారం సాయంత్రం చిన్నాయన చెరువు, శేషాచలం అడవుల సవిూపంలో తమిళనాడుకు చెందిన డి.బాబు(26), రాజేంద్రన్‌(30)లను, ఎర్రవానిపాలెం పోలీస్‌ స్టేషన్‌ పరిధిలోని ఎరుకల పల్లి సవిూపంలో బుజ్జేపల్లి గుట్ట వద్ద వి.సుబ్రహ్మణ్యం(28), ఎదురుకుప్ప మండలం కొట్టాలం గ్రామానికి చెందిన ఎన్‌.సిసింద్రీ(22)లను, కె.వి.పల్లి పోలీస్‌ స్టేషన్‌ పరిధిలో శుక్రవారం ఉదయం మేతువానిగుంట నూతన కాలువ సవిూపంలో పీలేరు మండలం జాండ్ల గ్రామానికి చెందిన సీ.లక్ష్మీరెడ్డి(40), ఎర్రవాని పాలెం ఓ.ఎస్‌.గొల్లపల్లికి చెందిన లక్ష్మీరెడ్డి(35)లు పట్టుబడినట్లు డీఎస్పీ తెలిపారు. ఈ దాడుల్లో సీఐ మహేశ్వర్‌, ఎస్సైలు గోపి, సుమన్‌, సిబ్బంది పాల్గొన్నారు.