శ్రీకాకుళం,మే7(జ‌నం సాక్షి): రొట్టవలస.. పురుషోత్తపురం రహదారిపై సోమవారం వ్యాన్‌పై నుంచి జారిపడి ఓ యువకుడు మృతి చెందాడు. పోలీసులు అందించిన వివరాల మేరకు రొట్టవలస గ్రామం నుంచి పెద్ద వెంకటాపురం గ్రామానికి వివాహ సప్లైయర్‌ సామాన్లు వ్యాన్‌పై వేసుకుని వెళుతున్నారు. మార్గమధ్యంలో కల్వర్టు వద్ద డ్రైవరు బ్రేకు వేయటంతో సామాన్లతో పైన కూర్చున్న ఇద్దరు యువకులు ప్రమాదవశాత్తూ జారిపడ్డారు. ఈ ప్రమాదంలో ఆముదాలవలస మండలం సైలాడ గ్రామానికి చెందిన టి.రవి(16) 
అక్కడికక్కడే మృతి చెందాడు. మరో యువకుడు పామాడ రామకృష్ణకు గాయాలయ్యాయి. సరుబుజ్జిలి పోలీసులు కేసు నమోదు చేసి దర్యాప్తు చేపడుతున్నారు.