శ్రీకాకుళం,మే7(జ‌నం సాక్షి): ప్రతి ఆడబిడ్డ భయం లేకుండా ఆనందంగా జీవించడానికి వారికి అండగా ఉంటామని నినాదాలు చేస్తూ సీతంపేటలో అధికారులు, సిబ్బంది ర్యాలీ చేపట్టారు. సీతంపేట ఐటీడీఏ కార్యాలయం నుంచి ప్రారంభమైన ర్యాలీ ప్రధాన కూడలి వరకు జరిగింది. అనంతరం అంతా ప్రతిజ్ఞ చేశారు. కార్యక్రమంలో డీడీ సీతారామయ్య, డిప్యూటీ డీఈవో రామ్మోహన్‌రావు, సీడీపీఓలు నాగరాణి, బాలామణి, తహసీల్దార్‌ శ్రీనివాసరావు, ఈవోఆర్డీ రాధాకృష్ణ తదితరులు పాల్గొన్నారు.