తిరుమల,జూన్‌15(జ‌నం సాక్షి ): తిరుమల శ్రీవారిని కేంద్రమంత్రి పీయూష్‌ గోయల్‌ దర్శించుకున్నారు. పీయూష్‌ గోయల్‌ సతీసమేతంగా స్వామివారికి నిర్వహించిన అభిషేకం సేవలో పాల్గొన్నారు. తిరుమలేశుని దర్శనం తర్వాత రంగనాయకుల మండపానికి చేరుకున్న పీయూష్‌ గోయల్‌ దంపతులకు పండితులు వేదాశీర్వచనం అందించారు. టీటీడీ జేఈవో శ్రీనివాసరాజు గోయల్‌ ను సత్కరించి స్వామివారి తీర్థప్రసాదాలను అందజేశారు. ఈ సందర్భంగా పీయూష్‌ గోయల్‌ మాట్లాడుతూ..ప్రతి ఏడాదీ తాను స్వామివారిని దర్శించుకుని కర్తవ్యాలను గుర్తు చేసుకుంటానని అన్నారు. దేశ ప్రయోజనాల కోసం నూతన ఉత్సాహంతో పనిచేస్తానని తెలిపారు. తిరుమలలో పూజా కార్యక్రమాలు, దర్శన విధానం, పరిశుభ్రత ఆదర్శనీయంగా ఉన్నట్లు చెప్పారు.