తిరుమల, జులై13(జ‌నం సాక్షి) : మహబూబ్‌నగర్‌ టీఆర్‌ఎస్‌ ఎమ్మెల్యే, టీజీవో అధ్యక్షుడు శ్రీనివాస్‌ గౌడ్‌.. శుక్రవారం ఉదయం తిరుమల శ్రీవారిని దర్శించుకున్నారు. ఉదయం ఆయన స్వామి వారికి జరిగే అభిషేకం సేవలో పాల్గొని స్వామివారిని దర్శించుకొని మొక్కులు తీర్చుకున్నారు. స్వామివారి దర్శనార్థం తిరుమలకు చేరుకున్న ఆయనకు టీటీడీ అధికారులు స్వాగతం పలికి దర్శన ఏర్పాట్లు చేశారు. దర్శనానంతరం ఆలయ రంగనాయకుల మండపంలో వేదపండితులచే ఆశీర్వచనం అందించి, ఎమ్మెల్యే కు స్వామివారి తీర్ధప్రసాదాలు, పట్టువస్త్రాలను అందజేశారు. వెంకన్న స్వామిని దర్శించుకోవడం చాలా ఆనందంగా ఉందని శ్రీనివాస్‌ గౌడ్‌ అన్నారు. ఇరు తెలుగు రాష్ట్రాలు అన్ని రంగాల్లో అభివృద్ధి చెందాలని కోరుకున్నట్లు తెలిపారు. తెలంగాణలో కేసీఆర్‌ అమలు చేస్తున్న అద్భుత పథకాలు విజయవంతంగా ముందుకు సాగుతున్నాయని, వాటికి ఎలాంటి అవాంతరాలు లేకుండా ప్రజలకు మేలు జరగాలని స్వామివారిని కోరుకున్నట్లు తెలిపారు.
————————