కడప,ఆగస్ట్‌15(జ‌నం సాక్షి): కపడ జమ్మలమడుగులో బుధవారం ఘనంగా స్వాతంత్య దినోత్సవ వేడుకలు నిర్వహించారు. స్థానిక మున్సిపల్‌ కార్యాలయంలో మార్కెటింగ్‌ మంత్రి ఆదినారాయణ రెడ్డి జాతీయ జెండాను ఆవిష్కరించారు. అనంతరం ఆయన మాట్లాడుతూ.. దేశానికి ఎంతో సేవ చేసిన జాతీయ నాయకులను స్మరించుకోవాలన్నారు. కార్యక్రమంలో పాల్గొన్న జీవనజ్యోతి విద్యాసంస్థల స్థాపకుడు గురుదేవ్‌ రామిరెడ్డి విద్యార్థులను ఉద్దేశించి మాట్లాడుతూ.. ప్రతి విద్యార్థి దేశభక్తి కలిగి ఉండాలని పేర్కొన్నారు. కార్యక్రమంలో స్థానిక టికెఆర్‌ జీవనజ్యోతి విద్యా సంస్థ విద్యార్థులు వినూత్న రీతిలో తమ దేశభక్తిని చాటారు. 48 విూటర్ల త్రివర్ణ పతాక ప్రదర్శనను ర్యాలీగా ఊరేగించారు. మున్సిపల్‌ కార్యాలయం నుంచి పట్టణంలోని ప్రధాన రహదారి గుండా పాత బస్టాండ్‌ విూదుగా మోరగుడి వరకూ జాతీయ గీతాలతో నృత్యం చేస్తూ చూపరులను అలరించారు. కార్యక్రమంలో పాఠశాల ప్రధానోపాధ్యాయుడు భాను కిరణ్‌ రెడ్డి, ఉపాధ్యాయులు గురుశేఖర్‌, రవి శంకర్‌, సురేష్‌, శ్రీధర్‌, విద్యార్థులు, తదితరులు పాల్గొన్నారు.