హైదరాబాద్‌ : సెంట్రల్ యూనివర్శిటీ ఉడికిపోతోంది. దళిత విద్యార్ధి రోహిత్ ఆత్మహత్యతో అట్టుడికిపోతోంది. పదిరోజులుగా నడుస్తున్న నిరసనలు, ఆందోళనలు ఉగ్రరూపం దాల్చాయి. రోహిత్ ఆత్మహత్యకు వీసీ తీసుకున్న సస్పెన్షన్‌ చర్యలే కారణమని విద్యార్ధులు, విద్యార్ధి సంఘాలు ఆరోపిస్తున్నారు. ఏబీవీపీ, ఇతర విద్యార్ధి సంఘాల మధ్య మొదలైన వివాదం పెరిగి పెద్దదైంది. బిజెపి నేతలు పైస్థాయిలో జోక్యం చేసుకుని మరీ దళిత విద్యార్ధులను సస్పెండ్‌ చేయించారని విద్యార్ధులు మండిపడుతున్నారు. ఇప్పుడు రోహిత్ ఆత్మహత్యతో పరిస్ధితి ఉద్రిక్తంగా మారింది. మరోవైపు రోహిత్ మృతదేహాన్ని ఉస్మానియా మార్చురీకి తరలించారు. రోహిత్ ఆత్మహత్యకు నిరసనగా ఈ రోజు తెలంగాణ వ్యాప్తంగా విద్యాసంస్థల బంద్ కు పిలుపునిచ్చాయి.
