కాకినాడ,సెప్టెంబర్‌8(జ‌నంసాక్షి): కాకినాడ మున్సిపల్‌ కార్పొరేషన్‌ మేయర్‌, డిప్యూటీ మేయర్‌ ఎన్నికకు సంబంధించిన నోటిఫికేషన్‌ శుక్రవారం విడుదలైంది. ఈనెల 16వతేదీన మేయర్‌, డిప్యూటీ మేయర్‌ ఎన్నిక జరగనుంది. కాకినాడ కార్పొరేషన్‌ కు ఈనెల 1వతేదీన ఎన్నికలు జరిగాయి. మొత్తం 48 డివిజన్లకు ఎన్నికలు జరగ్గా అందులో అధికార తెలుగుదేశం పార్టీ 32 డివిజన్లలో గెలుపొందింది. అలాగే వైసీపీ 10 స్థానాలు, బీజేపీ 3, మరో మూడు స్థానాల్లో ఇండిపెండెంట్‌ అభ్యర్ధులు గెలుపొందారు. కాగా… ఈనెల 16వతేదీన మేయర్‌, డిప్యూటీ మేయర్‌ ఎన్నికలు జరగనుండడంతో తీవ్ర ఉత్కంఠ నెలకొంది. టీడీపీ అధిష్టానం ఎవరిని మేయర్‌గా చేస్తుందన్నదానిపై పలు ఊహాగానాలు వ్యక్తమవుతున్నాయి.