గుంటూరు,మే2( జ‌నం సాక్షి): ఆచార్య నాగార్జున విశ్వవిద్యాలయంలోని పీజీ కళాశాలలో చేరేందుకు మే 5, 7 తేదీలలో ప్రవేశ పరీక్ష నిర్వహిస్తున్నట్లు అడ్మిషన్‌ విభాగం సంచాలకులు రామిరెడ్డి తెలిపారు. ఈ నెల 3 నుంచి హాల్‌టిక్కెట్లు డౌన్‌లోడ్‌ చేసుకోవచ్చన్నారు. ప్రవేశాల పరీక్ష కోసం గుంటూరు, కృష్ణా, ప్రకాశం జిల్లాల్లో మూడు కేంద్రాలు ఏర్పాటు చేశామన్నారు. గుంటూరు ఏసీ కళాశాల, విజయవాడలోని నలంద కళాశాల, ఒంగోలులోని ఏకేవీకే డిగ్రీ కళాశాలలో పరీక్షా కేంద్రాలు నెలకొల్పినట్లు పేర్కొన్నారు. దాదాపు 7వేల మంది దరఖాస్తు చేసుకున్నారని తెలిపారు. హాల్‌టిక్కెట్ల డౌన్‌లోడ్‌లో ఏవైనా ఇబ్బందులు తలెత్తితే పరీక్ష రుసుం చెల్లించిన రసీదు చూపించి పరీక్షలు రాసే సదుపాయం కల్పించామని వెల్లడించారు. ఈ నెల 8న ఫలితాలు విడుదల చేసే అవకాశముందన్నారు. మరిన్ని వివరాలు ఏఎన్‌యూ వెబ్‌సైట్‌లో పెట్టామని తెలిపారు.
—–