ప్రకాశం : సింగరాయకొండ మండలం పాకలపల్లెపాలెంలో ఉద్రిక్త పరిస్థితులు నెలకొన్నాయి. గ్రామంలో అశ్లీల నృత్యాలను అడ్డుకున్నందుకు పోలీసులపైనే గ్రామస్థులు దాడి చేశారు. ఈ దాడిలో హోంగార్డుకు గాయాలయ్యాయి. ఈ సంఘటనలో వాహనం ధ్వంసం అయింది. అదనపు పోలీసు బలగాలతో తెల్లవారుజామున గ్రామానికి వచ్చిన పోలీసులు దాడిచేసిన వారు లొంగిపోవాలని మైకుల్లో ఆదేశాలు జారీ చేశారు. దీనిపై గ్రామస్థులతో పోలీసులు చర్చలు జరుపుతున్నారు. దీంతో ఆ ప్రాంతంలో ఉద్రిక్త వాతావరణం ఏర్పడడంతో 144 సెక్షన్ విధింపుకు పోలీసులు మొగ్గు చూపుతున్నట్లు సమాచారం.