కర్నూలు : కర్నూలు జిల్లా ఆదోనిలో ఆటోను లారీ ఢీకొన్న ప్రమాదంలో ముగ్గురు మృతి చెందారు. పలువురు గాయపడ్డారు. ఆదోని నుంచి సూగురుకు ప్రయాణికులతో వస్తున్న ఆటోను కుప్పగల్లు వద్ద లారీ ఢికొనడంతో ఈ ప్రమాదం జరిగింది. ఆటోలో ప్రయాణిస్తున్న ఏడుగురు ప్రయాణికుల్లో ఒకరు అక్కడికక్కడే మృతి చెందారు. ఆదోని ప్రభుత్వ ఆసుపత్రిలో చికిత్స పొందుతూ ఇద్దరు మృతి చెందారు. మిగతావారిని మెరుగైన చికిత్స కోసం కర్నూలుకు తరలించారు. పోలీసులు కేసు నమోదు చేసి దర్యాప్తు చేపట్టారు.
