నెల్లూరు,  జిల్లాలోని జనార్ధనరెడ్డినగర్‌ పరిధి లక్ష్మీపార్వతినగర్‌లో మూడు రోజుల క్రితం ట్యూషన్‌కు వెళ్లి వస్తున్న సుస్మిత అనే ఏడేళ్ల చిన్నారిపై కుక్కలు దాడి చేశాయి. ఈ సంఘటనలో తీవ్రంగా గాయపడిన సుస్మితను ప్రభుత్వ ఆసుపత్రిలో చేర్పించారు. సుస్మితకు ఇన్ఫెక్షన్‌ పెరగడంతో ప్రభుత్వ వైద్యులు చేతులు ఎత్తేశారు. పరిస్థితి విషమించడంతో బాలికను నెల్లూరులోని ప్రైవేటు ఆసుపత్రికి తరలించారు. తీవ్రంగా గాయాలతో బాధపడుతున్న బాలికకు ఆపరేషన్‌ చేయనున్నారు.