హనుమాన్‌ జంక్షన్: స్థానిక నూజివీడు రోడ్డులోని ఆదిత్యబధిరుల పాఠశాల విద్యార్థులతో సినీనటుడు శివారెడ్డి ఆటపాటలతో సందడి చేశారు. శనివారం ఉదయం ప్రముఖ పారిశ్రామిక వేత్త పుట్టగుంట సతీష్‌కుమార్‌తో కలిసి సినీనటుడు శివారెడ్డి బధిరుల పాఠశాలలో మూగ, చెవిటి విద్యార్థులతో గడిపారు. ఈ సందర్భంగా విద్యార్థులను ఆటపాటలతో శివారెడ్డి ఉత్సాహ పరిచారు. పాఠశాల నిర్వహణార్ధం రూ.3వేలు ఆర్థిక సహాయాన్ని ప్రిన్సిపాల్‌ ఆకుల వెంకటరమణకు అందజేశారు. కార్యక్రమంలో మానవతా సంస్థ చైర్మన్‌ మారుబోయిన కోటేశ్వరరావు, ఘంటా సత్యనారాయణ, పొట్లూరి శేషాచలం తదితరులు పాల్గొన్నారు.