చిత్తూరు,చంద్రగిరి మండలం శేషాచలం అడవుల్లో ఎర్రగుట్ట దగ్గర టాస్క్‌ఫోర్స్‌ పోలీసుల కూంబింగ్‌ నిర్వహించారు. ఈ కూంబింగ్ లో

టాస్క్‌ఫోర్స్‌ పోలీసులకు ఎర్రచందనం కూలీలు తారసపడ్డారు. టాస్క్‌ఫోర్స్‌ పోలీసులపై ఎర్రచందనం కూలీలు రాళ్లదాడి చేశారు. పోలీసులు వీరిని నియంత్రించడానికి గాల్లోకి రెండు రౌండ్ల కాల్పులు జరిపారు. దీంతో కూలీలు పరారయ్యారు. ఆ ప్రదేశంలో ఉన్న 38 ఎర్రచందనం దుంగలను పోలీసులు స్వాధీనం చేసుకున్నారు. ఎర్రచందనం కూలీల కోసం పోలీసులు గాలింపు చర్యలు చేపట్టారు.