ప్రకాశం : ఓ పక్క ప్రపంచం కంప్యూటర్ యుగంలోకి దూసుకెళ్లి శాస్త్ర, సాంకేతిక రంగాల్లో విప్లవాత్మక మార్పులు చోటుచేసుకుంటున్న తరుణంలోనూ… ఇంకా క్షుద్రపూజలు, నరబలులు అంటూ కొందరు మూఢనమ్మకాలతో వ్యవహరిస్తున్నారు. నరబలి పేరుతో ఓ బాలుడ్ని నిర్ధాక్షిణ్యంగా గొంతు కోసి హతమార్చారు. ఈ ఘటన ప్రకాశం జిల్లా వలేటివారిపాలెం మండలం పోకూరులో గ్రామంలో జరిగింది. ఆ గ్రామానికి చెందిన కొందరు క్షుద్రపూజల కోసం ఓ బాలుడ్ని గొంతుకోసి చంపారు. విషయాన్ని గమనించిన గ్రామస్తులు వారిని పట్టుకుని దేహశుద్ధి చేసి స్థానిక పోలీసులకు అప్పగించారు