విజయవాడ : ఎన్నికలకు ముందు ఆంధ్రప్రదేశ్‌కు ప్రత్యేక హోదా ఇస్తామన్న బీజేపీ ఇప్పుడు మాట మారుస్తుందని సీఆర్డీఏ మాల మహానాడు కమిటీ ఆరోపించింది. విజయవాడలోని బీజేపీ కార్యాలయాన్ని మాలమహానాడు కమిటీ ఆధ్వర్యంలో కార్యకర్తలు ముట్టడించారు. ప్రత్యేక హోదా ఆంధ్రుల హక్కు అంటూ నినదించారు. ఎంతో కొంత ప్యాకేజ్‌ రూపంలో ఇచ్చి చేతులు దులుపుకుంటే సరిపోదని.. ఖచ్చితంగా ఏపీకి ప్రత్యేక హోదా ఇచ్చి తీరాలని నేతలు డిమాండ్‌ చేశారు. లేదంటే బీజేపీ కనుమరుగుకాక తప్పదని హెచ్చరించారు.