రాజమండ్రి, జులై 25 : మహాపుష్కరాల చివరిరోజు రాజమండ్రిలో పలువురు ప్రముఖులు పుణ్యస్నానం చేశారు. వీఐపీ ఘాట్‌లో ఏపీ దేవాదాయశాఖ మంత్రి మాణిక్యాలరావు, టీటీడీ చైర్మన్‌ చదలవాడ కృష్ణమూర్తి, డాలర్‌ శేషాద్రి సహా పలువురు ప్రముఖులు పుణ్యస్నానమాచరించారు. మరోవైపు నేటితో పుష్కరాలు ముగియనుండటంతో రాజమండ్రికి పెద్ద సంఖ్యలో భక్తులు తరలివచ్చి పవిత్ర గోదావరిలో స్నానాలు చేస్తున్నారు.