అమరాపురం: అనంతపురం జిల్లా అమరాపురం మండలం బసవన్నపల్లి- కనకన్నపల్లి గ్రామాల మధ్య ఆదివారం అర్ధరాత్రి రోడ్డుప్రమాదం చోటుచేసుకుంది. ఈ ప్రమాదంలో కర్ణాటక రాష్ట్రం చిత్రదుర్గం జిల్లా చెల్లకెర తాలూకు రేణుకాపురం గ్రామానికి చెందిన నాగరాజు(40), ఈరన్న(38) మృతిచెందారు. స్థానికులు తెలిపిన వివరాల ప్రకారం బొలెరో వాహనంలో హిందూపూర్‌ మార్కెట్‌కి చింతపండు తీసుకొని వస్తుండగా అమరాపురం మండలం బసవన్నపల్లి- కనకనపల్లి గ్రామాల మధ్య టైర్‌ పేలి వాహనం అదుపు తప్పి బోల్తా కొట్టింది. ఈ ప్రమాదంలో నాగరాజు అక్కడికక్కడే మృతిచెందారు. తీవ్ర గాయాలైన ఈరన్నను మడకశిర ఆసుపత్రికి తరలిస్తుండగా మృతిచెందాడు. సమాచారం అందుకున్న అమరాపురం పోలీసులు కేసు నమోదు చేసుకొని దర్యాప్తు చేస్తునట్లు తెలిపారు.
